| |||||||
| تسجيل دخول على المنتدى |
 |
| | أدوات الموضوع | انواع عرض الموضوع |
|
#1
07-02-2012, 10:04 PM
 | |||||||||||||||||
| |||||||||||||||||
 يا رب كانه ما حصل لـي ألاقـيـه يا رب .. كانه ما حصل لـي ألاقـيـه والقى معه روحي و نبض ٍ فقـدته خذ عمري اللي باقي ٍ لي .. فلا أبيـه أنا وعَدت .. وبأوفي اللي وعَـدته الـ ( لا ) لغيره .. بس له تنقلب ( إيـه ) وقــّعت بإســـمه خافقي واعتمدته الله و اكبر من كثــر مــاني اغليـــه لا زاد هجرانه/ من الوصل زدتـه عهدي به اصلاً.. مايجي لين اناديـه واليوم ما جاب النــدا مــا عهدتـه مليت انادي وانشد الكون وش فيـه؟ ولامن مُجيب الا الصدى لا نشدته ولا من سألني خاتمي ويــن راعيـه أهذي عليــه.. وأحسب انـــي أفــدته إحتار صوتي بين الآهات والـ ( ليـه ) ؟ وباقي الحكي ضايــع ولوّي وجدته تضيق بي دنياي اذا اجـِـيـب طاريـه حسره على وقت ٍ مـعـه مـا قعدتــه وقتي يا إمـا ْهجوس والا مشــاريـه نفس الشريط اليا انتهى..قمت عِـدته أخفي دموعي بـ إبتسـامات و وجيـه واوصف جنون ٍ فالهوى ما شهـدتـه والهــمّ ؟ إبـن ٍ ما اعَرف كيف اربيّــه والا الفـرح ؟.. جا ميّـت ٍ من ولــدته يارب ياللــي مالي الا انت اناجيــه ولا غيــرك احد ٍ في حياتي عبدتـه خذنـــي اذا انـّي بعد موتي بألاقيــه وش لي بهــالدنيا عقب ما فقدتـه .  |
|
07-02-2012, 10:37 PM
| #2 | |||||||||
موقوف من المنتدى بشكل نهائي 
|  رد يا رب كانه ما حصل لـي ألاقـيـه ولا من سألني خاتمي ويــن راعيـه أهذي عليــه.. وأحسب انـــي أفــدته === ياحلات البيت يعطيك العافيه اختي انتقاء رائع سلمتي وسلمت اناملك تقبلي مروري | |||||||||
|
07-02-2012, 11:37 PM
| #3 | |||||||||||
عضو بدأ يثبت وجوده
| رد يا رب كانه ما حصل لـي ألاقـيـه صح السانك ياغالي والحلا بطلك بشكرك ومساء الحلا لعيونك الرحال | |||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
