عقب القرابه والغلا صرتوا احزاب

ظلم الغريب أهون ولا ظلم الاقراب

لأن الظليمه من قريبك مصيبه



وعيب القريب اصعب من عيوب الاغراب

لأن القريب يعيبك اللي يعيبه



والله مايذبح طويلين الاشناب

غير القريب اللي طعن في قريبه



عقب القرابه والغلا صرتو احزاب !

ولحد جنى من فعلته كود خيبه



بالله لايكثر , ترى خاطري طاب

مليت من كثر الجروح العطيبه



الفرق واضح بين صادق ونصاب

والحق يطلع لو يطول مغيبه





وان كان بالدنيا محد حاسب حساب

بالآخره رب خلقنا حسيبه



وانا قسم بالله . لايمكن ارتاب

ولا حب هرج فيه نمه وغيبه



احب اقول الصدق حتى لكذاب

واحب اجازي من غمرني بطيبه



وإلا الردي له عندنا حفنة تراب

وان غاب ماقلنا عسى الله يجيبه



بس انت ياليتك تفكر بالاسباب

لان الظليمه من قريبك مصيبه .

صح لسانك يا الغاليه
انتقاء اكثر من رائع
ولاهنتي ,,

روعه اختي الجوري ماجبتي لنا
يعطيك العافيه

بارك الله فيك خيتو ...

اختيار رائع
جزاك الله الجنه

على أجنحة الشوق
تسافر بي الحروف
نحوك. نحو إبداع ممتزج
بالرومانسية الحالمة
وأرخي سمعي لعزفك المنفرد
على أوتار العذوبة
مروري على أحرفك
يجعلني أصل الى قمة الإستمتاع
قراءة ناصعة الأناقة منك
و ثناء يحملني للسحاب
الحالمون يصعب عليهم الرضوخ
تحت أشد الأضواء سطوعاً
تأبى أرواحهم إلا التعلق بأعطاف خيال وردي
روحانيتهم الجميلة تظل تغرد وحدها في سماء الواقع
سهل على القلوب هضمها
و على الأرواح تشربها
تألفها المشاعر بسهولة
و يستسيغها وجداننا كالشهد
كذاك كان موضوعك سيدتي
لكـ خالص احترامي

المفارق صعب

يعطيك العافيه

كلمات رائعة
سلمت يداك الجوووري على القصيدة
دمت بسعادة