| |||||||
| تسجيل دخول على المنتدى |
 |
| | أدوات الموضوع | انواع عرض الموضوع |
|
#1
21-12-2011, 10:38 PM
 | |||||||||||||||||
| |||||||||||||||||
 صلة الرحم أرقي النعم في بيت شكت جدرآنه شرآسة الزمن ذات بابآ متهآلك يعيشون به عآئله آسمى صفآتها القنآعه والرضآ .. دخل محمدآ ملقي السلآم على أهل البيت .. جآه رد آخته الوحيده سآرآ وتتبع ردهآ لـ سلآمه بـ تهليلآ متوآضع لأخوهآ وسندهآ .. محمد وهو يخفي عبئ همومه ويرسم إبتسآمة حب: سآرآ كيفك عسى صحتك زينه اليوم؟؟ سارآ : بخير وماأشكى بأس .. بس أمي مزنه تحاتيك تقول أنك أبطيت اليوم ؟! محمد وهو يقترب من أخته المقعٌده : ماعليك أروح أراضيهآ وأطيب خاطرها ألحين .. وزآد إقترآبه حتى قبٌل جبينهآ بـ ود وأردف قآئلآ : آسف سآمحيني ماكتب لي الله الرزق اليوم وآدري البيت مابه شي ينآكل وآدري الجوع قارصك وانت تحتريني بـ صبر لأجل أرجع بـ شي يسد جوعك بس مآ بـ آلإيد حيله وأوعدك بكرآآ من فجر الله بـ طلع وبـ رجع لك لو بـ شي بسيط .. سآرآ وهي تشد على إيد أخوها اللي يصغرهآ بـ سنه : في مويه وفي قطعة خبز والحمد الله غيرنا مو لاقي هـ لأكل وأنت ياخوي لآتكلف على روحك وتضغط على نفسك حيل أهم شي رآحتك ووجودك بينآ .. وعيونهآ تغرق بـ دموع : ماأبي آخسرك ياخوي كفآيه خسرت أعظم أم وأب .. في غرفة النوم لـ عائلة محمد البسيطه .. كانت الجده مزنه على سجادتها ؟؟ وكالعاده كانت أعينها مغرقه بـ الدموع الحآرقه وأنينها يزيد وهي تشكي بـ قهر لـ لله من شقاهآ بعد موت فلذة كبدهآ الوحيد : فرآقك عذآب ياوليدي وليت الموت خذآني بدآلك والله لو كان بـ إيديني أعطيتك عمري لأجل يطول الله بـ عمرك ويزيد نحبيهآ وهي تتذكر الحآدث الشنيـــع اللي صآر لهم من قبل كم سنه … كيف قدآم عيونهآ فقدت سندهآ واللي كان مآ لها غيره فهدنيا .. دعت من قلب يتقطع من الألم والأوجآع اللي قاسآها : يآرب أنك تحفظ لي وليدي محمد ولاتحرمني وجوده يآرب أنه يكون بخير وأحميه من كل مكروه .. دخل محمد عليهآ وقلبه يتقطع على حآل جدته مزنه اللي كل ماتأخر وهو يدور لقمة العيش يجي وهي في حآلة رديه خوف من أن تقفده مثل أبوه .. مشى خطوآت معدوده في غرفة نومهم الصغيره قٌبٌل راسها وهي قامت ضمته لصدرها الحاني : أشوى أنك بخير ياوليدي وهذا عندي بالدنيا محمد وهو يبتعد عن حضن جدته وبصوت دافي يطمن قلبها : ولدك أسد يمه لاتحاتيني وتكفين ماعد أبي أشوف دموعك تراها غاليه مسك إيدها وهو يسندها تمشي : تعالي يمه تأكلين لك كم لقمه عشان ترقدين في صآلة البيت المتواضع كانت سآرآ قاعده على كرسيها المتحرك وتغرز إبرتها بقطعة قماش صغيره طلع محمد وجدته مزنه ناظرتهم سارآ بـ إبتسامه : يمه مزنه في لك خبزه بالمطبخ خلي محمد يعطيك إياها عشان تتعشين وترقدين تراك اليوم ***تي حيل محمد وهو رايح يجيب الخبزه لـ جدته : شكلك يمه تبيني أشتري لك تلفزيون عشان تقضين وقتك ب*** بشي يسليك بدل ماتملين جدته مزنه بـ ضحكه على وجهها اللي غلبت عليه تجاعيد الزمن : والله ماأقضي وقتي ب*** اللي بطاعة الرحمن وأنت خلي دراهمك وأشتري لك بها شي ينفعك أنت وأختك محمد وهو مقترب لجهتهآ لأجل يعطيها كسرة الخبزه وكاس المويه وفي خاطره (ياحسرة الفلوس اللي مارضت تجي ولا لو جاآآآآآت سويت لك الأرض جنه أنت وأختي سآرآ ) قال والضحكه تكتسي وجهه وبمزح يداعب جدته: سمي يمه وبعدين مدري وش هلأكل اللي تأكلينه أكل عصافير جدته وهي تأكل قطعة الخبز اليابسه وتلينها بشربها المويه لأجل تقدر تبلعها : كله نعمه من الله ياوليدي سآرآ وهي تحرك عجلآت كرسيها لأجل تقترب لجهة جدتها وأخوهآ وتقول بضحكه كلها عذوبه: الا الحقيقه بلآك ماتدري ياخوي أمي مزنه قالت لي مره أنها تسوي رجيم تبي جسمها يصير مثل اللي يطلعون بالتلفزيون فتحت عيونها حيل جدتهم الغاليه وقالت بعطف : ياويل اللي يكذب من الله لاتكثرين هذره وكملت بتضحيه : تعالي خذي لك هالقطعة الخبز بلآك أنت اللي جسمك كآنك فاره ضحكت سآرآ بمرح والجوع قارصها : لا يمه أكلي بالعوافي أنا ماأكله قالت الجده : بالعوافي ومدت الخبزه لولدها محمد : أجل سم ياوليدي محمد وهو يناظر لـ سآرآ والحسره بقلبه لأنه عارف سارآ ماأكلت شي ولو جآعت ومالقت لقمه تسد بطنها شربت ماي بآرد لأجل تهني بـ لقمتها لأجل جدتها أو أخوهأ قال وهو ينزل عينه للأرض: لآ يمه كلي أنت انا ماأكل برآ قبل لا أجي وهو يوقف : يلآ تصبحون على خير أنا بروح أرقد عشان أقعد من بدري رآح لـ حجرة النوم الصغيره فرش بقايا فراشه وحط راسه وهو يدفي نفسه وهو مشبك إيدنيه ببعض على صدره سرح بـ إللي صار معآه اليوم قهر والله ياعمر هذي طينتك وأنا اللي كل مره أأتمنك على نفسي وكل شي بخاطري قبل لأ أأتمنك على أغراضي آآآآآآآآخرتها تسرقني الله **** الفقر اللي خلاك خاين الله **** الفقر استغفر الله وماقول غير ياللــــــــــه الستر والعافيه والرزق إللي اقدر أهني فيه عايلتي وأسعدهم حاول ينام بس كان الهم كبير وثقيل حيل على صدره وهو منشغل بآله بموقف كان من صديق عمره عمر ومحمد وهو واقفين عند الاشاره محمد وهو قدامه كراتين مناديل وعلب ماي : عمر دقايق بـروح وبرجع لك إنتبهه على أغراضي تراني اليوم مالقيت من رزق الله شي إلى ألحين عمر : ماعليك ماعليك تطمن بس لاتبطي دقايق ومحمد كانت الصدمه هادمه كيانه وكان ينطق بكلمات مبعثره بسبب هول الموقف : عمر .... لا مو معقول ...... ليه يسويها فيني رجع يدور عيونه مثل المجنون بشوارع اللي تحيطه وصرخ بعصبيه مجنوووونه: وينـــــــــــــــــك ياخسيس بعدها راح دور عليه بس يبي يعرف ليه كيذا سوى فيه ليه؟؟ خطر فباله يروح لـ بيت عمر أكيد بيكون هناك راح وهو عارف أنه ممكن مايلقآه دق الباب إلين مآ تعب ومالقى أي جواب قال والنار تسعر صدره : بحتريك لو للدهر أنا محتريك ساعات مرت وهو مو عارف وش يسوي عمر شكله ماهو راجع للبيت اليوم طيب أنا ماعندي بضاعه وش ابيع ومن وين أجيب فلوس لسارا وأمي لأجل يأكلون مثل الناس بلله هذي حاله قام وهو يبي يشوف وين هالعمر يبي عمر يطيح بين إيدينه ولا يبجيه شي راح رجع يدور بنفس الشوارع وعند الاشارات اللي دايم محمد وعمر يبيعون عندها مالـــــــه أثر وين راح وين ذلف ......... ريح الله بآله وهو يقطع سرحآنه بنوم يهدي حاله وقلبه هذا كآن حال العائله اللي تسكن حي على إعتبار أنه إحدى أحياء بمنطقه الشرقيه بالـمملكه العربيه السعوديه التي تصنف من أغنى البلدان في يوم آخر محمد خارج الدار يبحث لأهله عن لقمة العيش وكآنت الجده مزنه بصالة البيت البسيط وكانت بجانبها جاره لها تأنسهآ وفي جهة ليست بعيده في نفس الصاله سآرآ على كرسيهآ كعادتها تمارس هوايتها الخياطه أثناء ماكانت تغرز الأبره بقماش جلابية جدتها التي أهلكها الترقيع أم فهد : أقول سارآ وراك ماتشتغلين خياطه بمشغل سارآ بـ إبتسامتها التي ماتفارقها وحسرة تعصر روحها: والله عجزت رحت عند كثير من المشاغل ماقلبوني يبون خبره واغلبهم يقولي لازم شهادة ثانوي وانت عارفه ياخاله بعد وفاة ابوي ماحبيت أثقل على محمد وأكمل دراستي مع أني كنت بآخر السنه بس المدراس طلبتهم بدون قياس وتكسر الظهر أم فهد : صدقتي والله وبعدين هلأيام حتى أبسط الاشغال يبي لها واسطه .. وبـ إبتسامه : بس ولا عليك الله يسلها لك دق البآب عم الهدوء بالبيت اللي نادر مايجونه زوار غير أم فهد الجده مزنه : الله يستر مين بيكون ؟ خل أشوف الباب أم فهد : إرتاحي إرتاحي وأنا منكم وفيكم أنا بقوم اشوف الباب قامت أم فهد فتحت الباب وجاها من ورا الباب صوت خشن : بيت محمد أم فهد : ايه ياهلا الرجال : هذا لكم سمي أم فهد : تسلم مين أنت ؟؟ : .................... عرفت انه الرجال راح سكرت الباب راحت جنب سآرآ وهي تعطيها الظرف أم فهد : رجال يقول هذا لكم فتحت سارآ عيونها وخذت الظرف مستغربه وش بيكون داخل الظرف فتحت الظرف بـ اللهفه وهي متشوقه تعرف وش فيه لآقت خمس مية ريآل سعودي !! كانت بـ قمة السعاده وهي تحمل أكبر مبلغ حملته بحياتهآ بس جاتها فكرة بسرعه خلت إبتسامتها تتلاشى من مين هذي الفلوس ؟؟ وليش بيعطيها لنا ؟؟ وش معنى إحنا ؟؟ تساؤلآت حيرتهآ حيل الجده مزنه : وش هالفلوس ومن مين ياسآرآ ؟؟ سارآ بتعجب: مدري يمه من مين ؟؟ وكملت :أكيد بالغلط خل أروح أرفعها بالغرفه الين مايجي محمد ونشوف وش بيتصرف حركت كرسيها للغرفة الوحيده بالبيت وهي ترجع المبلغ للظرف وإنتبهت على شي مكتوب ورى الظرف من فارس الـ .................... الصدمه كانت بتوقف قلب سآرآ خالي فارس التاجرالكبير اللي ماعمره سأل فينا وش اللي خلآه يرسل لنا هالمره ؟؟ خالي فارس أكبر هوامير المملكه ماكلف حاله يرسلنا غير هالخمس ميه ؟؟ خالي اللي شركاته وعماراته ماليه البلد وش اللي خلآه يذكرنا ؟؟ سكرت الباب وهي تتسكر الدنيا بوجهها نزلت دموعها بغزاره آآآآآهـ ليتك ماأرسلتها ياليتك ماأرسلتها كان عذرناك قلنا يمكن فكرتنا متنا مع أمي والله ياشيخ فارس لوتنازلت وجيت زرتنا زيارتك لنا بدنيا كان حسينا انه لنا أهل وعزوه مانبي منك فلوس لاتحاااااتي عمرنا مااحتاجنا لأحد عمرنا مامدينا إيدينا لأحد ولا الحاجه اللي بتذلنا غير للي حاس بمعاناتنا الله سبحانه دخل اذان الظهر ...... الله وأكبر الله وأكبر سارآ ويزيد نحبيهآ الله وأكبر عليك ياخالي الله وأكبرعليك حسبي الله عليك يـ اللي مآ بـ قلبك حنيه حسبي الله عليك وهي ترمي الظرف بـ آلأرض ... تمت ....!  |
|
22-12-2011, 04:03 AM
| #2 | |||||||||||
 
| رد صلة الرحم أرقي النعم والله دمعت عيني مع ان القصه ممكن ماتكون واقعيه .. بس الله يلطف بحال عباده .. ويجازي كل قاطع للرحم ... بوركت اناملك خيو | |||||||||||
|
23-12-2011, 08:21 PM
| #3 | ||||||||||||||||||||||||||||||||||
عضو له بصمته الخاصة 
  | رد صلة الرحم أرقي النعم
ولكن لأننا قريبين من الله عز وجل نتمني رضاه ونخشي عذابه نعتقد بأنها غير واقعيه وصعبة الحدوث شكــــــــــــراً لمروركِ الذي أسعدني وأدام الله عليكِ نعمة العقل  محمد رفاعي | ||||||||||||||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
