قصيدة جـيـت اعــايــدكي

نور القمر · #1 21-12-2011, 07:33 PM

قصيدة جـيـت اعــايــدكي

العيون اللي امطرت عقب المغيب
مثل همال السحاب اللى اجتمع

عقب ما راحت بكيت ولا مجيب
وانتهض في الصدر هم(ن)مع وجع
ما ذبحني غير دمع(ن) له صبيب
من وداعك قلبي من صدري انشلع
آه يا يمه .. غيابك له .. قنيب
في سراجيفي مثل ذيب(ن)سجع
جيت اعايدكي عسى عيدك رهيب
يا غلاة الروح يا كل السنع
جيت مشتاقه وشوقي له دبيب
في حناي الجوف له كل(ن)سمع
حبك الغالي مثل نهر بشعيب
يسقي الخافق ولا عمره شبع
آه من رحتي وزماني ذا عصيب
من رحيلك قلبي يا يمه انفجع
صار عمري مرتوي حد النحيب
والكدر والهم من حزني رضع
حرة(ن) بالجوف تلهبني لهيب
والصدر شقته واستاء الوضع
شيبت عيني ولا اظنه عجيب
لارحل غالي بكيته بالطبع
كيف لصارت حياتي يا الحبيب
امي اللي حبها بقلبي نبع
ذوبت فرقاك شي(ن) بي صعيب
وقضت حزن(ن)قديم ولا هجع
وانتفض في داخلي شي(ن) غريب
ينزع الخفاق لو عنه امتنع
لذكرت ايامنا قلت النصيب
افقدك وابكيك دم (ن) مع دمع
الكدر بكاني ودموعي سريب
جاز له دمع(ن) على خدي لمع
هادم اللذات جانا بلا حسيب
ياخذك مني ولاحساسي قمع
خافقي من فرقتك صاير صويب
والحزن في داخلي يمه رتع
اسألك يا الله يا رب (ن) تجيب
عبدك اللي لك يدينه قد رفع
ترحم امي يوم كل (ن) مستريب
يوم جف الريق واهوال(ن) تبع
يوم ينحاش القريب من القريب
يومها كل(ن) يماري بما صنع

.

.حركات 9.(•'.'•). · 23-12-2011, 06:41 PM

آه من رحتي وزماني ذا عصيب
من رحيلك قلبي يا يمه انفجع
صار عمري مرتوي حد النحيب
والكدر والهم من حزني رضع
حرة(ن) بالجوف تلهبني لهيب

نور القمر · 24-12-2011, 03:36 PM

اقتباس

المشاركة الأصلية كتبت بواسطة حركات 9


	آه من رحتي وزماني ذا عصيب من رحيلك قلبي يا يمه انفجع صار عمري مرتوي حد النحيب والكدر والهم من حزني رضع حرة(ن) بالجوف تلهبني لهيب

.::{ **الجووووووري**}::. · 24-12-2011, 04:07 PM

نور القمر · 26-12-2011, 08:25 PM

اقتباس

المشاركة الأصلية كتبت بواسطة الجووووووري

نورتي بطلتك المميزه
رد: قصيدة جـيـت .. اعــايــدكي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)