| |||||||
| تسجيل دخول على المنتدى |
8معجبون  |
| | أدوات الموضوع | انواع عرض الموضوع |
|
#1
11-10-2011, 10:56 PM
 | |||||||||||||||||
| |||||||||||||||||
 كوني انثى وجميله بنفس الوقت ( لعيون صبايا جواهر )   موضوعي يتكلم عن الجمال لكن بعيد جدا عن عناصر الجمال الحسيه ماراح اتكلم عن وصفات ولا افضل الماركات موضوعي معنوي ونفسي الجمال صفه الكل يتمنى انها تكون فيه يمكن الاهتمام بموضوع الجمال يكون شيء فطري فينا لاننا بنات وقبل مانكون بنات احنا اناث بس كل بنت تقدر تكون جميله ؟؟ الله يخلي المكياج الله يخلي الكوفيرات والصالونات تدخلين شبهه وتطلعين فلقة قمر ماشاء الله مستحضرات التجميل ماتقصر كل علة فينا لها مستحضر خاص فيها يعني الزبده كل انثى تقدر تكون جميله ؟ لكن هل كل جميلة تقدر تكون انثى ؟؟     بعض الاقوال عن المرأة || لا شيء يرفع قدر المرأة كالعفة - أديسون المرأة مثال الرقة و الجمال -أفلاطون لا يوجد أرق من حديث المرأة المتعلمة - مدام روستايل الجمال بلا فضيلة كالزهرة بلا عبير - لورد بايرون جمال بلا حياء ورد بلا عطر - بوشكين الجمال هو الحُسن في الخَلق و الخُلق - افلاطون كوني جميلة واصمتي - او كوني انثى ?! لك الخيار طبعا تقدرين تكوني حلوه وجميله وتقدرين تكوني انثى بمعنى الكلمه ومفعول الانوثه اقوى ع ـالناس من الجمال المزيف ماراح اقول كيف تصبحين انثى ؟ لانك اصلا انثى .. لكن راح اقول .. كيف تحافظين ع,ـأنووثتك ؟!  1 |بعدي عن المكياج الثقييييييل والمصطنع واللي يمحي ويغير كل ملامحك طبعا اقصد في الحياه اليوميه يعني كحل وبلاشر خفيف وقلوس وردي ناعم كوني دايما بسيطه  2|اهتمي بنظافتك الشخصيه طبعا ماراح اقول وش اللي لك وش اللي عليك بس كوني نظيفه من فوق لتحت شعرك خلي ريحة الشامبو تفوح منه جسمك رطبيه خليه ناعم املس زي بشرة الاطفال دايما اظافرك اذا كنتي مو من النوع اللي يحافظ عليها كثير لاتطولينها لاننها تتوسخ بسرعه ومنظرها يصير بشع جدا قصيها احسن وتقدرين تحطين مناكير لون ترابي او ابيض او وردي بسيط مع لمعه يطلع شكلها حلو ومرتب اما الالوان الصاقعه خليها بوقتها خاصه الشتاء احس هالالوان مره غلط تنفع للصيف 3 |طهري فمك دايما اذا تعاني من روائح كريهه استخدمي غسول او مويه وملح اهم شيء لاتطنشين الموضوع واذا كنتي من النوع اللي ياكل علك كليها بس من غير ماتحسسين كل الناس اللي حولك انك تمضغين علك ترا يطلع شكلك بايخ جدا . 4|تميزي بريحة عطرك كوني دايما متعطره بعطر منعش ريحته بارده وخفيفه ومميزه العطور القويه خليها في المناسبات دايما . 5 |رتبي حواجبك مااقولك نمصيها لا والف لا ولا شقريها بس ممكن بمحدد الحواجب رح يتغير شكلك ويحلو 6 |حاولي ماتضحكين بصوت عالي وبتصفيق اذا كنتي في مكان عام ترا جدا يطلع شكلك مو حلو يمكن انتي تكوني حبوبه وطيبه وتحبين الفله وهذي طبيعتك تضحكين كذا لكن غيرك يمكن يحكم عليك بالخفه وبقلة الادب .  كثير كثير ناس تعلقنا فيهم ومستحيل ننساهم وبالعكس لمن نتذكرم نتذكرهم بالخير .. ليش؟؟ معقول كلهم حلوين موت ؟ لاطبعا اغلبهم كان تأثيرهم القوي علينا بسبب جمال روحهم والله انه اقوى سحر بس لو نحافظ عليه ونتمسك فيه . جمال الروح ..~ 1 | خلي لسانك دايما رطب بذكر الله لاتنسين الاذكار يابنات والله اذا تعودتي عليها صدقيني راح تحسين يومك ناقص اذا انتهى وانتي ماقلتيها في طريقة حلوه عشان تحفظين ع الاقل 3 اذكار زي اسمك أي خلفيه انتي حابه تحطينها لسطح المكتب اكتبي عليها بالفوتوشوب 3 اذكار عشان تحفظين مع التكرار كل مادخلتي النت تلقينها قدامك اقريها يوم بعد يوم رح تقولينها من غير ماتكوني ع النت صدقيني 2 |حسني النيه . . حسني النيه في كل شيء في نفسك في اهلك في بيتك في زوجك في عملك في جامعتك لاتنوين الشر ابدا مهما كان عيشي ع البركه لاتفكرين أي نقد يجيك انه كره فيك او حقد . 3 | حافظي ع صلاتك كيف وجهك يكون منور والله غضبان عليك ! صلي واتقربي من الله خلي روحك طاهره دايما ماقولك روحي اعتكفي ولاتسوين شيء غير الصلاه والقران سوي كل شيء تحبينه لكن لاتقصرين في حق ربك اذا الله رضى عليك هالشيء راح يحسن نفسيتك ويصير صدرك منشرح دايما 4 | ارضي بنفسك بشكلك ببيتك باهلك بدراستك حاولي تتقبلين كل شيء مو عاجبك لاتقارني نفسك بغيرك لاتقولي هذي حلوه وهذي غنيه وهذي شاطره لاتحقرين نفسك ولا تسمحي انك تقللين من نفسك قدام احد بالعكس خليك واثقه من نفسك ولاتبيني نقاط الضعف عند غيرك 5 | ابتسمي دايما لاتكوني عبوسه ولاتكوني مغروره ولاتكوني بائسه 6| لاتفكرين في المشاكل كثير .. انتي دبه .. لاتخلين كل همك كيف تنحفي والعكس صحيح 7/ ابعدي عن السطحيه والتفاهه لاتصيرين مخ فاضي وسعي معلوماتك ماقولك روحي اقري كتب علميه اذا تكرهي الكتب اكيد تحبي النت طيب حلو النت في مواقع كثيره لدكاتره ادخلي أي موقع وشوفي وابحثي مستحيل ماتطلعين بمعلومه حاولي تكوني مثقفه اقري امثال وحكم وسعي دائرة معرفتك والنت بحر واسع 8 | حسي بالناس راعي مشاعرهم ومشاكلهم لاتستخفي فيهم وبنفس الوقت لاتشفقين عليهم وتبيني هالشيء لانهم راح ينزعجون لاتقللي قيمة احد حسسي اللي قدامك دايما انه شخص مهم لاتعطينه شعور سلبي حاولي تفرحيه راح ينطبع تاثيرك عليه عنده وهذا شيء طيب لك 9 |حبي الناس وعامليهم مثل ماتحبينهم يعاملونك كوني قريبه للناس لاتحطين حواجز بينك وبينهم ولاتشوفين نفسك ع احد يازين التواضع بس   | القلق | التوتر | الضيق | كلهم يوصلون للنفسيه السيئه والكآبه شرأيك بالحكم هذي: ((روق اعصابك واحسب حسابك مافي شيء بيدوم )) ((نفسي التي تملك الاشياء ذاهبه فكيف ابكي ع شيء اذا ذهب )) حطي في بالك ان الدنيا كلها زايله يعني اذا ماانبسطتي اليوم وفرحتي تنبسطين متى اجل الامس راح وبكره يمكن يجي وانتي مو هنا ! ! ( فإن مع العسر يسرا ) صدق الله العظيم | بعد المرض عافيه | بعد الحزن سرور | بعد الضيق سعه | بعد الجوع شبع | كلنا نمر بمشاكل وتأثر علينا ونفسيتنا تصيرسيئه و نهمل غذائنا ماناكل زين او بالعكس نحط حرتنا في الاكل بشره رايحه فيها سواد تحت العين من كثرة التفكير والقلق ...الخ  ماراح اقول لاتزعلون يابنات مافي شيء يكدر الخاطر الدنيا ماتسوى لا لا معليش ماراح انافق واسوي العكس غصب راح نزعل ونضيق احنا بنات اقل مشكله تأثر فينا ونبكي ونصيح واغلبنا حساسات وعصبيات يعني لاحد يلومنا اذا تكدر مزاجنا لكن ليش مانحاول نخفف من اثار النفسيه الباد اللي تجينا ؟؟ حسيتي بقلق لاتروحين عند صاحبتك وعمتك وجدتك شوي شوي تشكين لراعي بقالتكم ؟ اشكي لاقرب شخص لك بعد الله طبعا لانه الكتمان يجيب العقد النفسيه ووساوس الشيطان فحاولي انه ماتشكي لاي احد وبنفس الوقت لاتفرطي في الشكاوي (( الشكوى لغير الله مذله )) اقرب سجاده توضي وصلي وادعي ربي يفرج همك اشغلي وقتك ..الفراغ مصيبه خاصه لمن تواجهك مشاكل تجسلين بس تفكرين فيها افكار تجي وافكار تروح اقرأي قرآن .. ادخلي تسلي على الفوتوشوب.. اقري مجله .. سوي طبخه ..سوي قناع لوجهك سوي أي شيء يجيب لك شعور ايجابي اشربي قهوه كلمي وحده من صديقاتك اهم شيء تسوين شيء يشغلك عن التفكير لاتجلسين بمكان مو مرتب وحوسه والله انه يزيد عليك الضيق اجلسي بمكان نظيف مرتب اذا حسيتي انك تعيسه وحزينه اقري في الجريده شوفي الحوادث شوفي الناس المريضه واللي تنتظر فاعل خير شوفي بلاوي غيرك راح تهون عليك بلوتك صدقيني . لاتهملي شكلك بحكم نفسيتك التعبانه لانك كل ماشفتي نفسك مبهذله وذابله راح تزيدين الهم اتغذي كويس صحتك الزم ماعليك لاتهملينها عشان مشاكل الدنيا اللي ماتخلص اهم شيء صلي لوجه الله واقري قران تمنيت هذي الحاجتين نسويها دايما مو بس وقت الضيقه    اوبرا انسانه اقدر اقول انها عاديه مافيها جمال وملامحها بعيده عن ملامح الجمال بس سؤال ؟ كم عدد اللي يحبون اوبرا ؟؟ ويتابعونها > ارقام كبيره يقولوا انها بسيطه .. عفويه .. تملك خفه ظل .. حبها للخير والناس بالله هذا مو كافي انها تدخل القلوب ؟  حليمه بولند جميله ايه جميله حتى لو اني مو مقتنعه بجمالها وانه مزيف لكن هي تصنف من ضمن الجميلات تتوقعون كم عدد اللي يحبونها ؟؟ اظن مايوصل للي وصلت له اوبرا انسانه يهمها المظهر وبرامجها يدل ع تفكيرها المنحصر في الاغاني والمسابقات اللي مامنها فايده غير انها تستعرض نفسها حتى لو برمضان ؟؟ سوري لو راي يخالف احد منكم او من المعجبين فيها بس هذا راي الصراحه فوزيه الدريع ماعندها مقومات الجمال لكن اخذت شهره عربيه كبيره قدرت تريح قلوب ناس كثير فتحت قلبها لهم ماقصرت انسانه مثقفه قدرت تسوي لنفسها قيمه وسوت برنامج خاص فيها كل الي يتابعونه اكيد يحبونها تحسين ان خبرتها في الحياه كبيره. هيفاء وهبي كثير نسمع هيفاء حلوه واكيد هناك اراء مخالفه بس الي يقول انها حلوه يقول ماقدرت احبها ؟؟ ولا اتخيل اني احب هيفاء جميله صح لكن ماتحسين عندها جمال روحي ابدا تحسين كل شيء فيها مزيف حتى ضحكتها . الامثله للشخصيات مجرد توضيح للكلام السابق وان جمال الروح يطغى على الجمال الخارجي..   .  |
|
11-10-2011, 11:19 PM
| #2 | |||||||||||
عضو له بصمته الخاصة 
|  رد كوني انثى وجميله بنفس الوقت ( لعيون صبايا جواهر ) تسلم الايادي يا قلبي ربي يسعدك .. مشكوووورة ع الموضوع الروووعة .. | |||||||||||
|
11-10-2011, 11:57 PM
| #3 | |||||||||||
مراقبة جــواهــر الأدبِ و الـعـلم
| رد كوني انثى وجميله بنفس الوقت ( لعيون صبايا جواهر ) صموته حبيبتي من غير مجامله والله العظيم اني انسجمت مع الموضوع وتمنيت انه يطول اكثر من جماله عن جد موضوع روعة ونصائح جميله جدا كنت بحاجه لبعض منها واحس كل الكلام قريب من قلب اى بنت وراح تقبله بكل امتنان لصاحبة الموضوع يارب نكون ممن يتذكرون ربهم في السراء والضراء ويطلبون رضاه شاكرة لك يالغاليه النصائح لك تقييمي | |||||||||||
|
12-10-2011, 12:17 AM
| #4 | |||||||||||
مشرفة جواهر حواء  
| رد كوني انثى وجميله بنفس الوقت ( لعيون صبايا جواهر ) راااااااااااائع صموووته والله كان كل حرف بمحله وحاااكيتي جميع الجوانب وتنسق راااائع يفتح النفس وكمان اسلوووب يشووقك تقري ولما قلتي موضوع طويل انا ما حسيت بطووله بالعكس حسيت انه يقصدنا وكأنه مكتوب لي خصوصا يعني ماخرجنا من الموضوع صفر بالعكس اضااف الشي الكثر واولها كنت مطفشه وشايله هموووم الدنيا ولقي روحي ماعندي سالفه بس انكد ع روحي ابدعتي عسى الله يخليكي ولا يحرمنا منك كان ع بالي احط الفايف الستار بس لقيتهم سبقوني بس راح يثبت | |||||||||||
|
12-10-2011, 12:28 AM
| #5 | ||||||||||
عضو له بصمته الخاصة
| رد كوني انثى وجميله بنفس الوقت ( لعيون صبايا جواهر ) ربي سعدك وين ما تتجهين سواء جنوب شرق غرب شمال بالوسطى عندي..خخخخ الله يخليك لعين ترجيك شهااادتي فيك مجروووحه ومهما تكلمت من اليوم لين بكره ما قلت شي.. بصرااااحه أنساااانه في قمة الرووووعه..سلمت يداااك التي خطت لنا هذا الموضوع وتستاااهلين إعجاب + تقييم عضو + تقييم موضوع,,,فديت قلبك صموووته ربي لا يحرمنا من هالطله والمواااضيع الجميله.. تقبلي ودي وأحترامي.. | ||||||||||
|
12-10-2011, 12:31 AM
| #6 | |||||||||||
عضو له بصمته الخاصة
| رد كوني انثى وجميله بنفس الوقت ( لعيون صبايا جواهر ) موضوع في قمة الروعه لطالما كانت مواضيعك متميزة لا عدمنا التميز و روعة الاختيار دمت لنا ودام تالقك الدائم | |||||||||||
|
12-10-2011, 12:38 AM
| #7 | |||||||||
عضو له بصمته الخاصة
| رد كوني انثى وجميله بنفس الوقت ( لعيون صبايا جواهر ) صمووته عفوا يانقيه موضوعك ليس( لعيون صبايا جواهرفقط ) وإنما لكل من أراد ان يكون جميلا . يسلم الفكر الراقي لأن ماسطرهنا حمل الجمال والابداع راق لي كثيرا تبارك الرحمن ربي يحرسك عساك بخير | |||||||||
|
12-10-2011, 01:11 AM
| #8 | ||||||||||
موقوف من المنتدى بشكل نهائي
| رد كوني انثى وجميله بنفس الوقت ( لعيون صبايا جواهر ) موضوع اكثر من راااائع فعلا جمال الروح والثقافه الراقيه والحس المرهف واناقة المظهر والخلق الرزين هم اساس الانوثه بارك الله فيك اختي | ||||||||||
|
12-10-2011, 06:39 AM
| #9 | |||||||||
عضو له بصمته الخاصة 
| رد كوني انثى وجميله بنفس الوقت ( لعيون صبايا جواهر ) سلمت يميناااااااك غاليتي صمت موضوع في قمه الروعه والجماال يستحق التميز من جد يعطيك الف عافيه على طرحك الرااائع دمتي ودااام ابداعك الراااائعه | |||||||||
|
12-10-2011, 07:25 AM
| #10 | |||||||||||
مشرفة قسم الصور 
| رد كوني انثى وجميله بنفس الوقت ( لعيون صبايا جواهر ) غاااليتي لطالما سمعنا بتميز ولكن في هذا المنتدى تميز بكل ما تحمله الكلمه وابداع وتئلق من انسان احبت الخير للجميع وكل مواضيها مفيده وتذكر با الخير عزيزتي صمت انتي ابدعتي في موضوع الذي والله من غير مجامله دخلت فيه بكل احسيسي وانا اقره بس في مشكله عندي انا انتي نصحتي منها<<تري انا لما اضحك اضحك بصوت عالي ولازم اصفق بس ولا يهمك نصيحتك على العين وراس تسلمي حبيبي على الموضوع تقبلي ودي | |||||||||||
|
12-10-2011, 06:49 PM
| #11 | ||||||||||||||||||||||||||||||||||
 
| رد كوني انثى وجميله بنفس الوقت ( لعيون صبايا جواهر )
ربي يسلم روحك يالغلا .. نورتي بطلتك ...  | ||||||||||||||||||||||||||||||||||
|
12-10-2011, 06:51 PM
| #12 | ||||||||||||||||||||||||||||||||||
| رد كوني انثى وجميله بنفس الوقت ( لعيون صبايا جواهر )
اللهم آمين ... ربي يسعدك غاليتي ويسلمو ع التقييم .. نورتي الموضوع بطلتك ....  | ||||||||||||||||||||||||||||||||||
|
12-10-2011, 06:55 PM
| #13 | ||||||||||||||||||||||||||||||||||
| رد كوني انثى وجميله بنفس الوقت ( لعيون صبايا جواهر )
الاروع تواجدك حبيبتي ... اسعدني انك استفدتي من الموضوع ووجودك بحد ذاته تقييم لي  ويسلمو ع التثبيت .. نورتي بطلتك الحلوهـ ..  | ||||||||||||||||||||||||||||||||||
|
12-10-2011, 06:57 PM
| #14 | ||||||||||||||||||||||||||||||||||
| رد كوني انثى وجميله بنفس الوقت ( لعيون صبايا جواهر )
واحلى من الدعوهـ الصادقه مافي ماننحرم يالغلا .. احرجتيني بكلامك كلك ذوق حبيبتي يسلمو ع التقييم ... نورتي بطلتك الحلوهـ ..  | ||||||||||||||||||||||||||||||||||
|
12-10-2011, 06:59 PM
| #15 | ||||||||||||||||||||||||||||||||||
| رد كوني انثى وجميله بنفس الوقت ( لعيون صبايا جواهر )
الاروع مرورك العطر تسلمين كلك ذوووق نورتي بطلتك ...  | ||||||||||||||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
| |
العرض العادي
