السلام عليكم ورحمه الله ..
يسعد صباحكم / مساكم
بالخير والمسرات ..
كل وحده فينا تحب الغريب والجديد .. خصوصا لما يتعلق بالطبخ والتقديم ..
ونحصلها في كل مره تدور ع شئ جديد ومبتكر .. تدور في النت وتسال البنات اللي حولها ..
وانا اول وحده فيكم ..
قبل فتره كان عندنا جمعه جيران ..
تحمست ابي اقدم في موالح الشاي شئ حلو وخفيف ..
والاهم ما يتعب ولا يكلف .. دورت في النت .. فرفرت فيه لحد ماقلت بس
لكن للاسف كل اللي احصله حريم يبعون ويعرضون سلتهم للبيع ..
غالبا السله مايكون فيها تميز | وآآآآو | كانت اغلب افكارهم تارت صغير بحشوات مختلفه وفطائر الكل يقدر يسويها ..
كنت اتمنى احصل افكار .. مقادير حشوات جديده .. لكن للاسف ماحصلت ولا شئ ..
فكرت اجرب المواقع والمدونات الاجنبيه .. وللاسف كانت اردى منا في الافكار ..
قلت يابنت ما بدهاش .. ابدعي وابتكري انتي 
..
وفعلاً ..
الحمدلله سويت مايسر العين .. واعجب الكل ..
وحسيت اني راضيه عن اللي سويته ..
طولت عليكم ..
يالله نبدأ بسم الله ..
|| فــ ط ــآآآئــــر الـــ ب ــبـرونـــي ||
المقادير :
حلقات خبز توست (ابيض - اسمر )
|| كل شريحه خبز بتطلع لك حلقتين .. وباقي الخبز اطحنيه ثم جففيه واستخدميه بقسماط ||
شرائح جبن شيدر ( برايد )
حلقات ببروني
جبن موزريلا + بابريكا + اوريقانو
جبن سايل ..
الطريقه :
ناخذ حلقه خبز ( ابيض - او - اسمر )
ندهنها بشوي جبن سائل .. ثم حلقه جبن شدير
|| بتقولون حرام اذا قطعنا دائره من كل شريحه جبن حلقه رح يبقى منه جبن .. لا تخافون مرح اقولكم ارموه .. لا اتركوه ع جنب .. وكملوا الموضوع رح اقولكم وش نسوي فيه ||
ثم حلقه ببروني .. واخيراً جبن الموزريلا ( هنا خلطت جبن الموزريلا مع شوي بابريكا واوريقانو )
نصفهم في صينيه .. و ع طوووووول ع الفرن ..
دقائق والفطائر جاهزه ..
<< ( ملاحظه : بنات الببروني مثل ما انتو عارفين دسم .. فـ اول ماتطلع من الفرن بيكون عليها طبقه زيتيه .. اذا كان يضايقك الدهن (مثلي ) بمنديل اضغطي ع الفطاير ع الخفيف لاجل يمتص الدهن الزائد ..) <<
... وبكذا نكون خلصنا النوع الأول من الفطائر ..
شفتو قد ايش سهله وبسيطه والنتيجه مذهــلـــــه << تسلم لي بنات افكاري ..
النوع الثاني من الفطائر ..
|| الكــروســان المــ ن ــزلي ||
سبق ونزلته في || فعاليه المطبخ .. المرحله الأولى ||
لكن مايمنع اني انزلها عشان تعم الفائده وتكون كلها في متصفح واحد بدون شتشته
سميته منزلي .. لان شكله نشوفه دائما في محلات الفطائر الفاخره ..
بس قليل نشوفه احد مسويه بالبيت
المقادير :
كروسان جاهز .. جبن شيدر شرائح .. ببروني مشوح ع النار بدون زيت ( لانه فيه دهن ) خس امريكي .. مرتديلا ..
الطريقه ..
( كروسان المرتديلا )
نشق الكروسان من النص بس مانوصلها للاخير ( يعني تكون من الاخير ماسكه في بعضها )
نضع شرائح الخس ثم المرتديلا ثم الجبن ..
( كروسان الببروني )
نفس خطوات كروسان المرتديلا بس نستبدل المرتديلا بالببروني
والنتيجـــهــ :
زوووووووووووووووم
النوع الثالث من الفطائر ..
|| وردات التونه واللبنه ||
للأسف ضاق الوقت علي ولا فضيت اصور ..
بس حلو لحقت اصور لكم الشكل النهائي ..
اترككم مع الصور ثم اقولكم ع الطريقة ..
وردات الجبن ..
وردات التونه ..
الطريقه :
نفرد شريحه توست بعد ما قطعنا حوافها .. قم نقطعها ع شكل ورده ..
بقوالب الكب كيك ( الصغيره ) نضع في كل كب ورده ( على ان حواف الورده تكون بارزه شوي ) << يعني يكون للورده حواف مرتفعه ..
ثم ندهنها بـ زيت زيتون مع شوي ثوم بودره واوريقانو ..
ندخلها الفرن لحد ما تتحمر الاطراف ..
بكذا خلصنا الاساس ..
نجي الحين للحشوات ..
لكـ حريه الإبداع في الحشوات ..
انا سويت منها نوعين ( جبنه - تونه )
حشوه الجبنه :
باقي جبن ( فطائر الببروني ) + شوي كريمه خفق +رشه ملح وفلفل + شطه سومطره
وشوي بهارات= ( ثوم بودره -اوريقانو - بابريكا ) .. حسب ما تحبين من بهارات .. بس لاتكثرون حتى لاتطغى نكهه البهارات ع نكهه الجبن ,.. بالخلاط لحد مايكون عندنا خليط شوي ثقيل
وفي قمع تزيين الحلويات سوي لك احلى وردات جبن 
.. ورشيها بـ باريكا
حشوه التونه :
بسطه وسهله ..
تونه + مايونيز + كاتشب + شوي ليمون + بهارات >> اخلطيهم زين ثم حشي فيهم الوردات ..
واخيراً .. بقطاعات ورد صغيرات اقطعي من شرائح الجبن الشيدر الاشكال اللي تحبينها وزيني فيها التونه ثم رشيها بـ بابريكا
يتبع
1معجبون 
27-06-2011, 09:17 PM
اجعلي من لمساتك كيآآن خــاص ( موالح شآآي ) 
المواضيع المتشابهه 
العرض العادي
