اختراق للموقع الغير رسمي للامير عبد الرحمن بن مساعد رئيس الهلال من قبل هكرز اتحادي

.

ههههههههههه مسكين ياللي كاتب الكلام وربي حزنت عليك ...
صار الهلال شماعه لكل شي يخصكم تقولوا كلو من الهلال وكلام مدري من وين جايبينه ؟.
وانتم بعد لاتنسون الخمسه الي جاتكم من الهلال وغيرها
تيب اذا الهلال شغال واسطات مفروض مانشووف له ولاخساره بالمحلي وكل البطولات له هذا لو كلامكم صحيح
انا بصراحه استغرب من بعض الالفاظ تنقال للبعض تيب هذي كوره يوم لك ويوم عليك
وبالنهايه كلهم اخوان فرق سعوديه مدري ليه التعصب والغلط عالفرق التانيه
اذا اللاعبين انفسهم من الاتحاد اصحاب مع لاعبين الهلال وغيرهم من الفرق
نجي حنا نسوي كذا .. والله عالم مدري شلون تفكر
ياريت حماسك وهمك وشغلك الشاغل يكون لأمر دينك افضل ..
*تيب وش استفدت من التهكير مثلا ؟؟؟
هكر الي تبيه ماأقول الا اسأل الله لك الشفاء وبسسس

تسلم يمناك ح ـرير عالموضوع ..

ههههههههههه لاتلومونه مسكين وجاته نفسية
وكلمة حق تقال ماخرب الدوري السعودي الا البلوي
وخليفته البلطان والله انهم دمروا الكرة السعودية
والاخ الاتحادي هذا الله يشفيه

يعطيك العافيه على الموضوع
دمت بكل خير

مشكوووووور والله يعطيك الف عافيه

كفوووووووو

خل جماهير الزعيق تزاعق



اجل الحين ما خرب الكره السعوديه غير الاتحاد هاه

لاتنسون الخمسه الي جاتكم من الهلال وغيرها

سنين و الاهلاويه مختفين والحين الكل حاط الشعار بنشوف في الاسيويه سبحان الله فريق ينهزم ذهاب و اياب ويتأهل ابو الواسطه

يعطيك ألف عافيه

مشكوووووور والله يعطيك الف عافيه

شكرا لكم على المرور

انتم كذا يا البنات تكرهون الاتحاد ما ادري ليش

عموما هذا ما يبرر اللي سواه الاتحادي البطل ههههههههه .

ولكن المهم في الموضوع الشماعه اللي تقولين يا صمت ابي اعرف اي وحده فيهم

معروف انه الهلال دائما في المقدمه حتي لو انهزم قالو بطل القرن ولو فاز ما جابو طاري القرن والا اليد كمان

المهم من يقولي وينه الهكر هذا عشان اقوله شكرا لك ما لقيت الا الضعوف هذولا والطرطنقيه اللي يدفعون مساكين وتخرب عليهم .

حديث قدسي { يا عبادي إني حرمت الظلم على نفسي وجعلته بينكم محرماً، فلا تظالموا }

الموضوع باين انه مو منقول او ان الاخت تناست ان تكتب انه منقول وجعلت من نفسها مصدر لهالخبر للناس

وبالنسبه للرياضه السعوديه من جعلها سيئه الان هم الجمهور واول دليل موجود وواضح

مشكووره اختي على خبرك

هلا اخوي والله ما توقعت منك التمييز
كل الاندية لها انصار سواء فتيات او شباب
وبالعكس انا كنت من المشجعين للاتحاد في كأس اسيا اللي قبل الأخيرة وأي فريق يمثل السعودية في اسيا احنا نآزره
بس للاسف التعصب قاد الكثير من الجماهير الى نسيان الوطنية والاخوة اللي تجمعنا في شعب واحد بعكس اللي شفناه في قطر يوم اخذ السد كأس اسيا وكنت اتمنى الجماهيرة تكون بهذه الثقافة الاخوية
وبعدين انا ماني وكيله للهلال عشان ادافع عنه ولا ني احارب فريق اخر ,
لكن كل نادي له ثقله ووزنه ونحترم انجازات الجميع

والله ردك طريف جدا اخوي.. ظلمت مين والموضوع موجود في منتدى نادي الاتحاد ؟؟
وهذا الرابط
لعيون منصور///تـم اختراق الموقع الرسمي للامير[غشمشم] من قبل الهكر (مرجوج هزازي)راابط - منتدى الاتحاد السعودي - شبكة الاتحاد
شوف تاريخ موضوع الاتحادي وشوف تاريخ موضوعي
وشوف الردود اللي تنقال عن موقع عمل له هكر بعيد عن الوسط الرياضي ؟؟ مين المظلوم الحين

وشوف الردود .. اللي يقول كفوو واللي يقول قسم بالله انك كفو ورجل بكل ماتعنيه الكلمه
واخر علق بــ
والله يهديه مرجوج ناايف
لو انسجن وانجلد وش بيستفيد
الهكر فيها جلد وسجن

وهذا يوتيوب وشوف تاريخه


والخبر موجود بمواقع كبيره ايضا وهذي شبكة الاقلاع
http://www.vb.eqla3.com/showthread.php?t=910088


وبالنسبة اني ماكتبت منقول
شيء طريف جدا جدا كيف تناسيت .. هل انا كاتبه .. بقلمي؟؟ .. ليش أحد قال ان الاخبار تعبير ؟؟ اكيد منقول
يعني خبر رياضي اكيد انه منقول
واغلب المواضيع اللي تنقل بقسم الاخبار او بقسم الاخبار الرياضية اكيد منقوله ماعتقد احد يخترع خبر من نفسه؟؟
ومايحتاج اكتب >> واذا زعلك على هالكلمة ابشر راح اضيفها
وبالنسبة لتعليقي ... يحق لي اعلق على الخبر وابين بأن سبب ابتعاد البلوي ليس بسبب عبد الرحمن بن مساعد
وعبدالرحمن بن مساعد غني عن التعريف باخلاقه العالية وكل الاندية تشهد له بالخلق الرفيع فكيف هذا الهكر يتهمه بدون دليل ؟؟ ويقسم ويحلف وبدون دليل ؟؟
.. انا نفيت التهم اللي على ابن مساعد ومانفيته من فراغ بل هذا موقع الاتحاد يشهد
وهذا الرابط واقرا الكلام اللي فيه واناراح اسوي اقتباس للي ماعنده وقت يقرا
(¯`•.- إبتعـآد الدآعـم حقيقـه أم خيـآل _.•´¯) - منتديات العميد


وبعدين الموضوع قديم ومنتشر في كل مكان في نفس منتدى الاتحاد هو المصدر
وفي اليوتيوب وفي المنتديات
اكتب
اختراق موقع عبد الرحمن بن مساعد بواسطة هكر اتحادي
وشوف كم رابط يطلع لك

وطبعا هذا رابط للموقع الرسمي لهزازي
وكان الهكر مازال موجود وانا شفت الصفحة بنفسي .. ولكن للتاكد هذا شخص طرح الخبر وحط الرابط يقول
الرابط

اوصل سجن عاتي لعيون منصور البلوي تم اختراق موقع الامير عبدالرحمن بن مساعد
وشوف تاريخ الخبر وتاريخ موضوعي بنفس اليوم وانا كنت شايفه التهكير والكلام السيء اللي فيه
وتعليقي على الموضوع كان بنفس ماعلق عليه الاتحاد في منتداهم بانه يوجد خلافات بين الادارة وانا عن نفسي مادري وش هي بس انا ذكرت شيء من منتداهم
وأن ابتعاده ليس للهلال دخل فيه وانما امور بينهم في الادارة الاتحادية لا يعلمها الا الله واحنا لنا الظاهر 

بس ما تعتقد بأن تهكير منتدى شعري ماله دخل بالرياضة .. هل تعتقد بأنه ليس ظلم للمنتدى ؟؟ وش ذنبهم ؟؟

حقيقة شيء مؤسف الظن السيء .. ولا تنسى إن بعض الظن اثم
الله يهديك اخوي سنايبر